Promo Dicer, gipusil-patay

General Santos City– patay ang usa ka promo dicer human gipusil sa wala pa mailhing suspek didto sa Polomolok, South Cotabato ala 1:30 ang takna sa hapon niadtong nakalabayng adlaw.
Biktima giilang si Rey Cabrera alyas Ar-Ar, 32-anyos, residente sa Lebak, Sultan Kudarat.

Nasayran nga igo rang nagpahulay ang biktima sa Cottage sa Prk 4, Barangay Sulit, Polomolok dihang kalit lang miabot nag mga suspek dayon gipusil kini pila ka higayon nga hinungdan sa iyang kamatayon.

Wala na nadala pa sa Ospital ang nasangpit nga biktima human nakabsan dayon kini sa iyang kinabuhi. Samtang mga suspek paspas nga misibat human sa pagpamusil padulong sa wala masayring lugar.


Sa karon padayon ang gihimong imbistigasyon sa kapulisan kalabutan sa insidenti ug ginasuta pa kung unsay motibo sa krimen.

Facebook Comments