DXWD-10 mipang-apod-apod og mga hinabang ngadto sa mga pamilyang naapektuhan sa insurhensiya batok NPA

Malampusong naapod-apod sa Department of Social Welfare and Development (DSWD)-X ang mga family food packs uban sa nagkadaiyang kagamitan pangtulog ngadto sa mga pamilya nga naapektuhan sa nahitabong panagsangka sa military batok sa rebeldeng New People’s Army (NPA) didto sa Valencia City, Bukidnon.

Miabot sa 175 ka mga pamilya sa Brgy. Tongantongan ug 98 ka mga pamilya sa Brgy. Laligan, Valencia City ang naaporan sa mga hinabang gikan sa DSWD-X.

Miabot sa tag 273 ka mga Family Food Packs, bath towels, Malong ug mga Muskitiro ang napanghatag ngadto sa mga pamilya.


Kada food packs gisudlan og mga de lata, kape, gatas ug unom ka kilo nga bugas.

Ang DSWD nagpadayon sa pagserbisyo ilabi na sa mga naapektuhang pamilya sa mga nahitabong panag-engkwentro sa militar batok sa rebeldeng NPA ug aron napud matabangan ang kadaghanan niini.

Facebook Comments