Sa likod ng bawat balitang naihahatid, serbisyong naibibigay, at kuwentong nagbibigay-aliw sa mga tagapakinig, nakaugat ang isang layunin—ang maging boses at katuwang ng komunidad.
Muling pinatunayan ng DWON 104.7 iFM News Dagupan ang matatag nitong puwesto sa larangan ng radyo matapos makapagtala ng 40 porsiyentong market share sa katatapos na Fifty5Blue Radio Survey, na dating kilala bilang Kantar, para sa buwan ng Oktubre 2026.
Dahil dito, muling kinilala ang istasyon bilang number one News, Public Affairs, and Entertainment Hybrid Radio Station, isang tagumpay na sumasalamin sa patuloy na pagtitiwala at suporta ng mga tagapakinig.
Hindi lamang ito simpleng pagkilala sa bilang ng mga nakikinig, kundi patunay rin ng ugnayang nabuo sa pagitan ng istasyon at ng komunidad na araw-araw nitong pinaglilingkuran.
Sa likod ng tagumpay na ito ay ang sama-samang pagsisikap ng buong iFM Dagupan family, sa pangunguna ng pamunuan ng RMN Networks, gayundin ang suporta ng mga kliyente, katuwang, at tagapakinig na patuloy na nagbibigay-inspirasyon sa istasyon upang mas paghusayin pa ang paghahatid ng napapanahon, makabuluhan, at mapagkakatiwalaang impormasyon, kasabay ng serbisyong publiko at de-kalidad na libangan.
Para sa DWON 104.7 iFM News Dagupan, ang pagkakamit ng unang puwesto ay hindi lamang isang karangalan, kundi isang mas malaking responsibilidad na patuloy na paglingkuran ang publiko nang may puso, integridad, at dedikasyon.
Sa bawat himig, balita, at tinig na naririnig sa ere, nananatiling mahalaga ang tiwalang ipinagkakaloob ng bawat tagapakinig.
Isang tagumpay na hindi lamang para sa istasyon, kundi para sa lahat ng naging bahagi ng paglalakbay nito.
Maraming salamat sa walang sawang suporta at pagmamahal!
DWON 104.7 IFM Dagupan ay number one, dahil kayo ang dahilan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
